فبراير 15, 2009 في 1:27 ص (حب)

حبيتك وشايفك مش ليا
سيبتك ولسه في عنيا
لو كنت مالك كنوز الدنيا
برضه هتبقي غالية عليا

..

مش عارف ايه لزمه كلامي ده كله لسه
بس أكيد بكره القلب هينشغل وينسى

..

كل ما أفكر فيكي بدعيلك
وكل ما أحن ليكي بغنيلك
هربت لبعيد ولقتني بجيلك
معرفش ازاي معرفتش أعترفلك
وأحكيلك

..

مش عارف ايه لزمه كلامي ده كله لسه
بس أكيد بكره القلب هينشغل وينسى

..

غيرتي حياتي ساعة ما كلمتك
ومن نظرة واحدة عرفتك

علشان انتي أطيب انسانة في الكون
وعيونك أرق عيون

..

مش عارف ايه لزمه كلامي ده كله لسه
بس أكيد بكره القلب هينشغل وينسى

تعليقات

خواطر قديمة

ديسمبر 2, 2008 في 5:21 م (احاسيس, حب)

دي خاطرتين بحبهم اوي كنت كاتبهم زمان

علشان اللي يدخل المدونة ما يدخلهاش على الفاضي ويطلع بحاجة يقراها :D

وربنا يفرجها وحد غيري يحط موضوع بعد كده

في لحظة يجي ينورلي.. بس ثانية والاقيه بيروح..
ويرجعلي الليل فأفتكر..    آلاااااام وجروح
.. أمانة عليك متسبش الحيرة ملياني ولو شايف اني مش ليك قلي خلاص
.. بس متسبنيش جوه حوار مصحيني ليل وقلقني نهار
ادي اخرت الطيبة جيبالي مصيبة وسيباني مقفول
تجي نحلم بجنة ليا وليك جنة مليانة أنهار
يا ريتك توافق ونخشها علطول
قبل ما تتعرف ويسبقنا الناس
قبل ما بيوتنا تتملى أمطار
ونهاية قلبي يكون مقتول

—–

لما عديت على مكانا الاولاني
.. فضلت اعمل نفس اللي كان حبيبي بيعمله
.. وكل ما كان بيشوفني انسان تاني
.. كان بيقول اننا اديت عقلي لواحد وضيعه
.. وكنت بصرخ انا عاقل بس في حبيب نساني
.. ونسيت قلبي معاه وكنت بدور ليكون وقعه
.. ولما قربت افقد الأمل واتقفلت بيا كل الطرق ..
 ولما كنت خلاص هعزي من غير ما حتى اودعه ..
 افتكرت انها في يوم قلتلي انها بتحب مكان تاني
.. ولما وصلتله لقيت قلبي مرمي رحت ارفعه
.. لقيته مش راضي ينطق وبيشاور ادامي ..
 لقيت اللي كان حبيبي واقف مع صايع اعرفه
.. ولما شافني بقيت اعد الثواني
.. ومشيت من غير ما حتى انصحه
.. وبعديها سمعت من حاقد بيحكي عن عنه وبيفضحه
.. ولما لقيت نفسي راضيها قولت اكيد مبقاش ليه مكان عندي
.. وخلاص انا كلي بكرهه

تعليق واحد

ما احلاها دنيا

نوفمبر 6, 2008 في 7:36 م (مواقف, احاسيس, حب)

كنتي فين أيام زمان
 لما كنت محتاجلك
راحت خلاص أيام زمان
 لما كنت بتألم
كان لقلبي لحظة وكان .. يدمعلك
ومن صبره عليكي اتعلم
كنت شايف لينا حلم
 وكنت للحلم ابعدلك
بس فضلت مستني كتير
 بعد ما بأملي سبقتك
واديني خلاص
 نسيت الحلم
ولقيت حالي بحالك اتبدل
ماحلاها دنيا
صحيح بتخلي الواحد يتبهدل
جرحتني في الاول
وجرحتك
واكيد هتجرح من بعدك

تعليقات

غيوم أحزاني

أكتوبر 17, 2008 في 6:43 ص (حب)

سهران في غيوم الهوا اسميها أحزاني
أبحث عن رؤى الحب في ظل أحلامي

..

عشقي من نفس الدنا وتظهر نسياني
ووسط بحور الغنى لم تغرق آلامي

..

ولكن اليوم أهديها معزوفة لأجمل ألحاني
بأن سنين حزنها بحزن أيامي

..

وإن كان حبي لها لم يكن انساني
فحزني عليها أصبح من الأوهام

أترك تعليقا

ولاد ……….. الرئيس(عيش وحلاوه وسجاير) علي صريح

سبتمبر 21, 2008 في 11:41 م (غير مصنف)

السيد الرئيس حبيبي وحبيب اللي واقف جمبي وحبيب اللي بيقرا الكلام ده منور يا ابو علاءبس في شويه حاجات كده هقولها يا رب ما تزعل حضرتك ولا اروح جونتاموكفايه عليا ظباطك الحلوين اللي بيعملوا الواجب وزياده

اولا بيقولوا ان حضرتك نويت تدي جايزه الدوله( الرعشيه) من الفئه الاولي للراقصه الناشئه (فيفي عبده) وانا معاك وكل الشعب ورااااااااااااااااااااااااااك
ومتقلقش كلام دينا اللي بتقول فيه ان الرئيس ملوش في الرعش غلط
والشعب كله عارف والمعارضه مش هتقدر تنكر الرعش الواضح بين كلامك في الانتخابات وافعالك بعد ما نجحت
لو جمال مبارك طلع وقال ان التربيه في مصر مفيش منها امل يبقي معاه حق ابن ………..الرئيس لان الجنين في بطن امه بيقول نعم لمباركواقولك حاجه كمان يا ريت تعملها اقفل نقابه الاطباء لان لو الجنين في بطن امه بيقول نعم لمبارك اكيد لما بيتولدوا دكاتره الولاده بيضربوهم علشان يفوقوا من وهم مبارك ومتقلقش حتي لو متضربوش يوم ما يتولدوا هيتضبروا من العيش والعيشه واللي عايشنها

بلال فضل كتب في امريكا عاملين مهرجانات بسبب سيده انجبت طفل وهي متوفيه اكلينيكيا (ميته دماغيا) بس عندنا في مصر اخطر من كده حصل وان ناس متوفيه دماغيا بتعمل حاجات اكتر واخطر منها حكم شعب

السيد الرئيس اللي مش عارف بياخد ايه علشان يظهر في عز شبابه وعنفوانه عنده بتاع تمانين سنه ومش عارف هيمنعوا تصدير الشمع لتوفيره في تورته عيد الميلاد الجاي ولا هيبداوا يستوردوا

السيد جمال مبارك اتجوز ليه؟؟؟ علشان اللي يمسك الحكم من بعده يبقي من العيله …………الرئاسيه

السيد فتحي سرور مش لاقي وزاره يمسكها بعد ما مسك كل حاجه في البلد ومش لاقي حاجه يمسكها وكمان صحته علي قده ومش حمل احاطات مجلس الشعب يا ريت يفتحوله وزاره جديده ولتكن وزاره  لولو

النت بتاعي بيفكرني بمجلس الشعب كل اما اروح للي موصلي نت افتكر النواب وهما راحين بطلب احاطه لا فتحي سرور بيعبر ولا صاحب السيبر بيعبرني وفي الاخر العطل مستمر

بيقولوا ان في وزير استقال (يا رب ان شاء الله دايما) بس اللي ميعرفهوش ان الوزير ده عليه فلوس لرئيس الوزرا ومش عارف يوريله وشه في الاجتماع الوزاري اللي كل اربع سنين ده

لما مصر فازت بكاس الامم قالوا ان الفضل يرجع لمبارك (كنت مفكر ان هو اللي صد من دروجبا ) لانه كان بيزور الفريق وبيرفع من روحهم ومعنوياتهم

انما لما فزنا في غانا الرئيس كان بيعمل ايه غير انه يرفع في روحنا احنا؟؟؟؟

قالوا ان الرئيس تعبان والحمد لله طلعت اشاعه يا رب يقولوا ان الرئيس مستمر كمان سنتين وتطلع اشاعه بردو

تتجوز رقاصه هتبقي مليونير تتجوز ممثله هتبقي مليونير ونجم تتجوز بنت خاله عم اي حد من العيله المالكه هتبقي رئيس دوله

مبارك يجري مباحثات مع بوتين بشان الفضاء ؟ طيب بذمتكم يعرف ايه مبارك في الفضاء غير ياما القمر علي الباب افتح اناديله يامااااااااااااااااااا

هناك احتفالات تستعد لها مصر بسبب اربعتاشر مواطن انجليزي رفضوا العلاج في بريطانيا وفضلوا مصر (ميعرفوش ان هما هربانين من مستشفي الامراض النفسيه بلندن)

شعبولا قال ان بيستعد لاغنيه جديده للريس انا بحيي شعبولا وبقوله بلاش تقول ايــــــــــــــــــــــــــه في الاغنيه دي لان اي حاجه غير ااااااااااااااااااااااااااااااااه لمبارك تعد من جرائم الحرب واااااااااااااااااااااااااااه

كاظم الساهر بيفكر يطلع اغنيه جديده عن مبارك علشان يزود شعبيته بين المتوفيين اللي بيصوتوا لمبارك من المقابر حسب احصائيات الانتخابات اللي فاتت 

                   انا اكتر حاجه هعملها الانتخابات الجايه اني هصوت لمبارك واحتمال ااقطع هدومي كمان احنا بدال المتوفي عندنا سبعين

                                مليون ربنا يزيد ويبارك(دول طبعا غير اللي في بطن امهم بيقولوا نعم لمبارك)

                                مبارك خد مصر وهي كانت تتحدث عن نفسها وهيسيبها ان شاء الله وسيرتها علي كل لسان

                      هل تجوز توبه من قتل الف شخص؟؟ الاجابه بالتاكيد نعم ولكن هيختلف العلماء في اللي موت سبعين مليون مواطن

                                                          هل له توبه ام لا؟؟ بس هو ينوي

                      بس ماذا سيفعل لو احتاج الريس من ولاده فلوس؟؟؟؟ اكيد هيفكر في ولاده اللي هما احنا انما لو حب 

                                               يوزع فلوس اكيد هتكون من نصيب ولاده اللي هما هما

                                                                  ولاد ………..الرئيس

علي صريح

تعليقات

اأهلاً رمضان (شعر)

اغسطس 31, 2008 في 10:57 م (مواقف, احاسيس, ديني, دروس, عام, غير مصنف)

اهلاً رمضان

رمضان يا شهر القرأن

جيت لنا تانى

والكل بيك فرحان

فيك الصايم يتحس ملاك

مـ السنه للسنه نستناك

بكل الحب بنتمناك

وبندعى ربنا نكون وياك

فيك الاطفال كده ملمومه

مستنين مدفع الافطار

يضربوا صواريخهم المجنونه

يا جمال ألوان فوانيسهم

نلاقيها بالليل سهرانه

وادى الشراشير راحه جايه

بترقص أصلها فرحانه

ولا الكسل بعد الفطار

وافكر مصليش التراويح

بس بنشط وابقى همام

وبيكسبنى الإيمان

ماهو اتربط الشيطان

فيك نتنافس فى القرأن

فيك من يحفظ

وفيك من يقرا

وبنزايد فــ الختمات

متفكرش عشان صايمين

نبقى منك احنا شايلين

دا الصوم نعمه فرضها الرحمن

وأكد لنا خير الأنام

أن الصحه بتيجى عالصيام

اهلاً اهلاً ضيف عزيز

اهلاً اهلاً شهر لذيذ

تعليقات

حبيني قليلا ولكن طويلا

اغسطس 31, 2008 في 10:25 م (حب)

حبيني قليلا ولكن طويلا
فانتي التي جعلتيني أحس بمشاعر لم أكن أعلم اني أمتلكها
احببتك قريبا ولكن كثيرا
فانتي الحب الأول الذي لاينسى
وفي لحظة حب تخيلت
انني سأظل أنا الأرض التي تدور حول نفسها
وستظلي انتي القمر الذي يدور حول نفسه وحول الأرض
و سيأتي اليوم الذي تسقط فيه أشعة عينيك على عيني في ليلة أحلم بها من سنين
يليها خسوف يعزلنا عن نظرات الناس التي تصاحبنا كل يوم
ولقصة حبنا تمنيت
أن تكون مليئة بالشجاعة والأمل
وإن كنا أكثر من نخاف ونتشاءم
…
..
.
أحبك أكثر من عدد رمال في كوكب مكون من صحراء واحدة

تعليق واحد

أنا جيت ومعايا هدايا

اغسطس 29, 2008 في 10:01 م (ديني, دروس, عام)

السلام عليكم ورحمة الله

اولاً اعرفكم بنفسى

انا عادل بدوى

تالته حاسبات المنصوره

صاحب مدونة

¨°o.O ( DoOkDoOoK ) O.o°¨

http://dookdoook1.blogspot.com

على لما شفها انبهر بكتباتى

وجاله لسعان فى البرج اللى فاضله

فل يا علوه

(;

وعرض عليا انى اشترك فى المدونه

انا قلتله مادام حاجه محترمه معنديش مانع

خصوصاً انى بحب العمل الجماعى

يارب تكون مواضيعى خفيفه على قلبكم

ثانياً كل سنه وانتم طيبين

ورمضان كريم

بمناسبة الشهر الكريم انا جايبلكم معايا هدايا جميله قوى

1

برنامج المصحف الرقمى

برنامج جمييييييييييل جداً

يحتوي على القرآن الكريم كاملا

وتفسيرى الجلالين والتفسير الميسر

ويمكنك من خلال هذا البرنامج

البحث عن أي كلمة أو عبارة في المصحف الشريف

كما يمكنك تصفح المصحف

من خلال اسم السورة أو رقم الصفحة

مساحته خياااااال

1.25

ميجا بس

http://www.zulfiedu.gov.sa/zu/Programs/Quran_zu1.exe

2

افلام قصص الانبياء

لينك لملف فيه لينكات مباشره لافلام قصص الانبياء صلصال

2shared – download prophets-story-9el9al.pdf

الحلقات مساحتها مش كبيره اكبرهم يعمل

15ميجا

مش بس كدا دا كل حلقه ليها برضك

لينك مباشر لتفسير الشيخ الشعراوى رحمه الله

نفعنا الله واياكم بها

وكل سنه وانتم طيبين


ورمضان كريم

تعليقات

انا رجل فعل كل هذا (علي صريح)

اغسطس 27, 2008 في 10:57 م (مواقف, احاسيس, حب, عام)

احبيني سيدتي ولا تطمعي في اكثر من حبي
لم اعد املك سواه ولا اسعي لامتلاك غيره
احبيني سيدتي رغم القلق والاعاصير
رغم الثورات وحمم البراكين
رغم غزواتي واهات عشيقاتي التعساء منهم والمساكين
فانارجل شمل اعظم صفات الرجال واسواها فلا تكترثي
انا رجل باع الجميع واشتري قلبا يمتلا حبا كاد يفيض علي باقي جسده
انا رجل باع كل من احبوه باع كل من عشقوه واهتم بامراه واحده
انا رجل تخلي عن حياته لك قدم تنازلا لعينيك وقدم قلبه فداءا تحت قدميك
انا رجل لا يكترث كونه رجلا مقدار ما يكترث ان تكوني امراته
انا رجل عشق تراب قدميك وتنازل عن سماءه وطموحه
انا رجل باع القضيه باع الوطن كي يسكن عينيكي ويتوسد اضلعك
انا رجل تنازل عن مملكته ورضي التواجد في سجونك اسير
انا رجل جلس وحيدا قرونا وقرونا ينتظر لقاءك
انا رجل تخلي عن الشمس واكتفي بدفء يديكي
انا رجل تخلي عن الحياه واكتفي باستنشاق انفاسك
انا رجل بعث نفسه رسولا وعين نفسه خادما لامالك وحبك وجنونك
انا رجل لا يطلب اكثر من كلمه لا يفكر سوي في احرف تخرج من بين شفاهك
انا رجل قام وقعد من اجل راحتك ثم قام وقعد وقام وقعد من اجل راحتك
انا رجل رضي بالجليد صيفا في بعدك
انا رجل رضي بحراره كل شموس الكون شتاءا ما بين احضانك
انا رجل لا يملك ربيع او خريف بل يملك ظهور وغياب لمن احب
انا رجل عين نفسه طبيبا لاهاتك دواءا لكل امراضك غطاءا لاسرارك وحياتك
انا رجلكره من سواكي حقد علي ملابسك ونباتاتك علي اوراقك وكلماتك
انا رجل كره الحب واحب الكره لو كرهتيه
انا رجل عاش ومات ثم مات وعاش متاثرا بجراح حبك وعشقك
فالكلمه تحييني والكلمه تقتلني وبئس رجلا عاش حياته متاثرا بكلمه بل نعم رجل امن ووفي لحبيبته وخاصه ان كانت مثلك
تتسالين كيف احقد علي ملابسك واوراقك واجيبك نعم فملابسك تلازمك واوراقك بئر اسرارك وكم تمنيت ان اكون انا من يلازمك وكم تمنيت ان اكون انا بئر اسرارك


علي صريح
www.alisarieh.wordpress.com

تعليقات

حب وراح _بواسطه (درويش)

اغسطس 27, 2008 في 10:25 م (مواقف, احاسيس, حب, غياب وبعد)

حب وراااااااااح …لا اعرف من اين ابدا ولا من اين سانتهي …لكن كل ما اعرفه ان هناك شخصا ما حبه ورحل ..و كيف حدث هذا ..لا أعرف فعليا لكني اعرف مضمون الحكاية كلها علي قلبي وفقط ..وانضع نقطة ولنبدا من اولها حكايتي ……
عندما رحلت بعيدا عن اصحابي وجماعتي الظريفه ..فعلا ظريفه ..انتقلت الي جو غريب او بمعني اخر في منتهي الغرابة ولعل الغريب يمكننا ان نتاقلم معه لكن هذا المنتهي للغرابة صعب .بل مستحيل ان نتكيف معه ..هذا الجو المنتهي الغرابة بامكانه ان يجبر اي فرد ان يتنصل من كل مبادءه وياليت اتركها من اجل مبادئ اكثر سمو..لكن ما يدعوني لمثل هذا هو ان يترك هذا الفرد مبادئه الساميه لمبادئ لا اقول عليها منحطه …لكن اقول ان الانحطاط قد نبع من هذه المبادئ العفنه التي تنصل كل منا من انسانيته ويتجه الي تلك الراسماليه المتوحشه ..وفي وسط تلك الغيوم وذاك الغياهب ظهرت شخصيه ما …..ومن نظرتك الاولي وولهتك الغره احسست انها غير الغير وانها قد تكون ملائمة لك في وسط هذا التيار الجارف وحاولت ان تتسلق كل الحواجز ومعظم الصعاب لتصل لها ..وفعلا …بعد هذا العناء والمشقه ومحاولات الالاف منها فشل والقلائل نجحوا فعلا وصلت لها تلك الشخصيه …وكنت اقول انها ستستمر معي ابد الدهر ولن يترك بعضنا الاخر وسط هذه الصعاب وفعلا استمرت معي وكنت دائما احاول ان ارقي بتلك الشخصيه الهشه والضعيفه لكي تقف وسط التيار ….. واوقفتها علي قدمها الي ان ظهرت لها انياب خفيه لا يراها غيري !!! وظهرت نظرات الخيانه التي قراتها لكن كنت اكذب نفسي ولا اري دافعا لذلك … لكن وكما قالوا “”ان انت اكرمت اللئيم اهانك “” وفعلا اول من جرحني هو مصدر اماني واستدارت وظهرت علي حقيقتها السئيه فانها لاتختلف كثيرا عن غيرها من الشخصيات العقيمه التي لا تدرك معني الحب السامي الذي لا يقدر اي كلام ان يوفيه حقه فهي كغيرها ارادت كلام مغزول ليطمس عينها فتسير كالدابة التي لا تعرف الا انها تاكل وترعي فقط ولا تعرف اننا هنا لهدف اسمي بكثير …وتركتها في غيومها ورحلت حزينا وكيف لا احزن وانا اعرف من هي التي عرفتها من زمن رحيقه لازال يزاولني .. ولكني تصبرت يوما انها لن تكون لي شريكة يوما ما ولن يكون لي شريكه ما دمت استنشق هواء يشاركنا فيه الذئاب ……وهكذا احببت شخصيه وراحت مع اول رحلة الي ارض الوهم ….

بواسطه الكاتب  درويش

http://darwiesh.blogspot.com

تعليقات

احسب كتلة جسمك BMI

اغسطس 26, 2008 في 3:49 م (عام)
Tags: ,

معدل كتلة الجسم هو معدل سهل الحسبة بسيط ويعطي فكرة سريعة عن وضع الجسم.

طبعا في معدلات كثيرة اكثر دقة لكن للتسهيل اغلب الكتب الطبية اعتمدت هذا المعدل. 

اضغط هنا لحساب معدل كتلة جسمك. ضع وزنك بالكيلوغرام وطولك

 بالسينترميترات وارجع للنتائج.

النتائج

اقل من١٨.٥   (          وزن ناقص              توجد مخاطر على الصحة

بين ١٨.٥ و ٢٥  :)         وزن طبيعي            لا يوجد خطر على الصحة

بين ٢٥ و ٣٠  :(            زيادة وزن             توجد مخاطر على الصحة

بين ٣٠ و ٤٠   :( (             سمنة                   خطر على الصحة

اكثر من ٤٠   :( ((          سمنة مفرطة            خطر كبير على الصحة

تعليقات

انا ام باقي الكتاب؟؟؟؟؟( علي صريح)

اغسطس 26, 2008 في 1:53 ص (مواقف, احاسيس, حب, عام, غياب وبعد)

طالما سمعت عن كتاب وشعراء تاملوا االنيل كي يبدعوا وعشاق يسمتعون بجمال البحر

كم رايت كتابا امام النيل ركعوا وسجدوا وكم رايت ايد متشابكه امام البحر راحت وغدتولكن شعور بالغرابه امتلكني ان يصبح غيرها ملهمي فلم اسعي للوصول الي النيل

ولكني تمنيت ان تمتد ايدينا متشابكه امام امواج البحر الهادئه حينا والمضطربه حيناوفجاه تغيرت الاحوال والافكار

وتغيرت كل المعتقدات حينما وجدت نفسي امام النيل لقد فوجئت بنفسي مجذوبا اليه نعم ذهبت اليه مرغما رغما عن انفي رغما عن احساسي بالوحده بعيدا عن كل مباهج الحياه

حاولت ان اكتب ان اصف ولكن صدقت تنبؤاتيلم اري سوي صورتها تضحك لاعبه وتتطلع غاضبه حينا وفرحه

حينااثبت جهلا واختلافا عن اقراني من الكتاب فالعجز اليوم عجزي وبالدليل القاطعولكن فجاه وثقت في كتاباتي التي طالما انكرتها وحسبتها سفها اعمال بدائيه

فالضعف ضعفهم هؤلاء الكتاب

ضعف حبهم بين فهم لا يحبون مثلي ولا يحبون من هي مثلها

فلو كانوا مثلي لما راوا في النيل غير صورتها وما احسوا في امواجه غير خوفا من فقدانها

حاولت ان اعود لرشدي وان ادعي جدلا اني المخطي ومع محاولاتي حاولت ان اكتب ولكنني لم استطع مره اخري فكلما اضطربت مياهه اضطربت مع مياهه افكاري واشواقي واضطربت معه اشجاني واحزاني وكلما ارتفعت مياهه ارتفع خوفي من فقدانهاوكيف للخائف ان يكتب؟؟؟؟وكما قلت سابقا لم اتخيل اني ساقف امامك ايها النيل دقائق الساعه الخمس ولكني فوجئت بمرور خمس ساعات كامله وانا ملازم مكاني لم اتحرك قيد انمله

فصورتها لم تذهب وبالطبع لن افارقها لان شمسها لم تغرب

اه والف اه انها حبيبتي نعم انها حبيبتي ومن غيرها حبيبتي ومن سواها اذلني واضعفني ؟

من سواها كبلني وقيدني؟مجرد سماع صوتها يعذبني مجرد ان التفت كي اراها يقتلني

ما سبق ليس خطئا مطبعيا فبالفعل سماع صوتها يعذبني لانها لا تحدثني بل اسمع كلام كل من حولي بصوتها بخمولها ببطء كلماتها برقتها اللامتناهي

والالتفات لرؤيتها يقتلني فمعدل التفاتاتي اصبحت اكثر بكثير من التفاتات من فقد عقله

فمع كل وجه اراه وكل حركه اشهدها التفت كي اراها ولكن هيهات هيهاتلن تعود اقسم انها لن تعود قبل ان يجن جنوني
واقسم لان جنوني قد جن بالفعل في هذه اللحظه

 

 

 

علي صريح

تعليقات

هل نظرة واحدة كافية بان تقع ف الحب ؟؟(الدمع الحزين)

اغسطس 25, 2008 في 6:06 م (مواقف, احاسيس, حب, غياب وبعد)

نظرة
لم تكن سوى نظرة عابرة ،لم اقصد بها شىء …لم استطع بعدها التحكم ف عيناى ومنعهما من القاء نظرات
خاطفة على من احببتاه لم اكن اعلم سر اشتياق عيناى لعيناة لم اكن اعلم ان قلبى ف حاجة لمثل هذة النظرات
لتتزايد نبضاتة وكأنة فًرِح بتلك النظرات ……….لم اكن اعلم اننى ساصبح سعيدة لهذة الدرجة وخاصة ان صح
تعبيرى انها لم تكن سوى نظرات خاطفة
ما احب النظرالية!! والتطلع ف عيناة لتجد الحنان متلآلآ فيهما
والابتسامة مشرقة منهماياله من ملاك …لكن……….هل اشتياق عيناى له صحيح؟؟ام اننى اخادع نفسى ؟ام انهما يخادعاننى بانة  يبادلنى النظراا ت أيضا هل يخدعنى هو الاخر بتلك النظرات
بلى فانا اجد ف عينية الكثير …ارى مدى اشتياقة لعيناى،يالها من عيون صافية صفاء
السماء فى الربيع لتضمك اليها………ويالها من عيون باسمة ابتسامة الحبيب عند لقاء حبيبتة ليت الليالى
تسرع فاجدك امامى واطلق العنان لعيناى لكن ماذا بعد ذلك؟؟؟؟؟
هل سالتقى بة يوما ما؟هل كما يقال نظرة فابتسامة فلقاء ؟؟
كم اشتاق للقاءة …لكن اخذت نظراتنا سنوات فهل انتظر سنوات اخرى حالما ياتى اللقاء ؟؟؟
وهل مازال يتذكرنى وانا بعيدةٌ عنة ؟؟؟؟؟؟؟
eldam3el7azeen

تعليقات

الناس بواسطه (الدمع الحزين)

اغسطس 25, 2008 في 4:34 م (احاسيس, دروس, عام)


الناس انواع منهم من يلتفت لقطرات الندى عند
تساقطها ع الازهار،
وهناك من لايبالى بها حيثما كانت ،ومنهم من يتشوق لرؤية مثل هذا المنظر
ولكن ياحسرة ليس لة من الوقت والمكان ليرى مثل هذاولذا فانة يذهب الى مكان
اخر حيث يستمتع به، وهكذا هو حال العزارى تجاه الحب منهن يخفق قلبهن باستمرار ولا يتمتعن بالحياه بدونه، وهناك منهن من يرفضن الوقوع ف الحب ويعتبرن تجنبة اسلم الامور ولذا لا يبالين به، ومنهن من يبحثن عن الحب ف كل مكان ولكن بلا جدوى ..وكانة يتعمد البعد عنهن بالرغم ان قلوبهن مليئة بالاحاسيس الجميلة ….فليتة يتقرب منهن!! فماذا يفعلن هل ينتبذن مكان اخر للاحساس به؟اما ماذا يفعلن؟؟؟؟!!!

eldam3el7azeen

بواسطه الدمع الحزين

تعليقات

وردة غرامى _بواسطه (هيه الحياه كده ليه)

اغسطس 25, 2008 في 3:52 م (مواقف, احاسيس, حب)

مع كل نبض ينبضة القلب،مع كل نسمة اتنفسها،مع كل كلمة انطق
بها حروف اسمك،مع حبى ارسل لك
وردة بها غرامى واشواقى ولهيبى تصف لك ذكرياتى واحلامى معك،تصف السعادة
التى تغمرنى كل يوم،تصف
الاحلام التى اعيشها لحظة بلحظة


ارسل معها كلمة ينطقها لسانى وقلبى ووجدانى،كلمة تنتظرها منى طويلا

والان اسرعت فى ارسالها لك ولكنها لاتعبر عن مدى حبى لك،
فانت علمتنى معنى الحب وكيف احب وان احب،علمتنى بان الحياة حب وان كل شىء يحلو بالحب.
عشت معك اجمل ايام حياتى واسعد اوقاتى فمعك اشعر بالامان اشعر بمدى جمال

الحياة

معك الابتسامة لا تفارقنى،الحزن يبتعد عنى،والحب يقترب منى
معك اضحى من اجلك من اجل حب
معك ارى معنى للحياة
اريد تحقيق هدفى ان يصلك مقدار حبى فانا احيا كل يوم من اجلك من اجل حبك،فلماذا انت لك كل هذا؟!لماذا انت

وحدك؟!قلبى ينبض معك اشعر بارتياح معك لا ادرى سوى بانى احبك

لا اعرف لماذاتاخرت عن تلك الكلمة لا ادرى

لماذا لكن قلبى دوما يرددها

فانا احبك ولكن لا اعرف الى اين ساصل بعد كل هذا الحب،ماذا سنفعل غدا لا يوجد

حب اكثر من هذا

فيارب ادخل الحب فى كل القلوب،جمع كل قلبين معا لا تفرقهما

ابدا ابدا

تم الارسال بواسطه الكاتبه هية الهياة كدا لية ؟؟..

تعليقات

بدونك سيدتي

اغسطس 25, 2008 في 3:47 م (حب, غياب وبعد)

لماذا رحلتي ولم رحلتي ولاي سبب رحلتي بكل وسائل
الاستفهام اتالم واسال ؟؟
لن تجدي جوابا فمن غيري جعل راسه وسادتك وقلبه محطتك وعينه منزلك؟؟ لا تحاولي ان تردي فانا اتحداكي ان تجدي جوابا لان جزاء الاحسان لن يكون سوي الاحسان
افتش في دفاتري عن كلمه اغضبتك او موقف احزنك او شئ اخبرتك به ليفسر سبب الرحيل
ولكني لم اجد ولن اجد فلطالما كنت مخلص لك وعشيقا جيدا واحادي الولاء
بحثت عنك كثيرا وعندما وجدتك اعدتيني لنقطه البدايه لابحث عنك مرارا وتكرارا
لقد كتبتي علي قلبي ان لا يهدا وعلي عقلي ان لا يثبت وعلي روحي ان لا تهنأ
لا اخشي لوم اللائمين ولا حقد الحاقدين واقولها بكل وضوح انا لست انا
لست تلك الاسطوره التي اسميتها انا
بدونك سيدتي انا التائه انا الغائب انا من لا يعلم من انا
بدونك سيدتي لن اهنا ولن احيا ولن اعيش ولن اكون انا
سيدتي عودي لي فمالي سواكي سيدتي انا انتظر رؤياكي كالطفل المشتاق لرؤيه والدته
لم لا تعطي فرصه لشمسك كي تشرق ولقلبك كي يعطف ولحبي كي يستمر ؟
ذبحتيني ولكن قلبي المسكين يجد لك دوما الاعذار
فلا اخفي عليك طالما حاولت ان انساكي وان استمر في حياتي ولكن قلبي دائما وابدا جعلكي مظلومه ولست الظالمه
اوهذا جزاء القلب الذي طالما احبك وقدرك؟ اوهذا جزاء الانسان الذي جعلك شمسه وحياته؟
الدموع ما عادت تتساقط علي خدي لان دموعي قد نضبت حتي الدماء ما عدت باكيها لان دمائي قد جفت
اتذكر يوما ووعدا كنت فرحا مسرورا واليوم اتذكر قرون وخيانه حزينا مكسورا
فكل ما مر بي من سعاده لا يعد سوي يوما واحدا من قرون غيابك الطويله وفرحي وسروري لا اجده سوي دمعه واحده من دموع غيابك
الم يحن موعد الراحه الم يحن موعد الهدوء الم يحن موعد الاستقرار واخيرا الم يحن موعد الخلود؟
وليكن اخر ما اكتبه لكي هو ما لم اود ان اكتب فانا علي فراش الموت وحولي الملائكه لتزفني لربي ليكون احن علي منك لسوف اهنا وانا اعلم فالجنه التي حرمت منها حيا سانولها خالدا

تعليقات

بسم الله بداناها

اغسطس 7, 2008 في 12:33 ص (غير مصنف)

بعد ما مبدعي حاسبات ومعلومات فضلوا العمل معايا وده انا شخصيا مقدره

بيسعدني افتتاح المدونه دي بس مش شخصيه

عامه لكل من يبدع في حاسبات ومعلومات وخاصه المنصوره

يلا بقي عاوز افرح بيكم وبيا والناس كلها تفرح بينا

اللي وقعوا عقود الانضمام الي الان

انا طبعا علي صريح   طالب بالفرقه التانيه

هيه الحياه كده ليه    طالبه بالفرقه التانيه

الدمع الحزين     طالبه بالفرقه التانيه

اوزوووووو   طالب بالفرقه التالته

اما باقي الكتاب ممن اجلوا التعاقد لظروف خاصه

درويش   طالب بالفرقه الرابعه

حمزه منير   طالب بالفرقه التانيه

عابد   طالب بالفرقه التالته

كتاب لم يوافقوا

محدش يقدر يرفض دعوتي والا دبحتهlol

ونتمني جميعا من الله ان تنال المدونه علي اعجابكم ونجاح اكبر من النجاح اللي لاقته مدونتي  ا لشخصيه

www.alisarieh.wordpress.com

اكثر المدونات مشاهده حسب اخر احصائيات الورد بريس علي مستوي العالم العربي

تعليقات

Follow

Get every new post delivered to your Inbox.